Peperenian Urang Sunda

SANDUK-SANDUK

Ditulis teh sanes seja mapatahan ngojay ka meri, mung kanggo arsip simkuring wungkul.

Hapunten upami leuwih mentingkeun inpormasi lisan, sanajan konsékuénsina tojaiah jeung inpormasi resmi.

Ngaran Kembang :

Kembang Awi : eumbreuk

Kembang Bako : bosongot

Kembang Bawang : ulated

Kembang Bolang : ancal

Kembang Boléd : tela

Kembang Cabé: bolotot

Kembang Cau : jantung

Kembang Céngék : méncéngés

Kembang Cikur : jelengut

Kembang Eurih : ancul

Kembang Gedang : ingwang

Kembang Génjér : gélényé

Kembang Hoé : bubuay

Kembang Honjé : comrang

Kembang Jaat : jalinger

Kembang Jambé : mayang

Kembang Jambu Aer : lenyap

Kembang Jambu Batu : karuk

Kembang Jarak : uing

Kembang Jéngkol : mérékényényén

Kembang Jeruk : angkruk/angkes

Kembang Jotang : punting

Kembang Kadu : olohok

Kembang Kalapa : suligar

Kembang Kalur : pelepes

Kembang Kaso : curiwis

Kembang Kawung : pengis

Kembang Koneng : badul

Kembang Laja : jamotrot

Kembang Leunca : pengil

Kembang Peuteuy : pendul

Ngaran Anak Sato :

Anak Anjing : kirik/kicik

Anak Badak : putri

Anak Bangbung : kuuk

Anak Bangkong : buruy

Anak Banteng : bangkanang

Anak Bagong : bedul/benyit

Anak Belut : kuntit

Anak Beurit : cindil

Anak Bogo : cingok

Anak Buaya : bocokok

Anak Deleg : bayong

Anak Embe : cema

Anak Gabus : boncel

Anak Gajah : ménél/karaba

Anak Hayam : pitik/ciak

Anak Hurang : rarong

Anak Impun : gendot/gendol

Anak Japati : piyik

Anak Kancra : badal

Anak Kuda : belo

Anak Kutu : kuar/balagendir

Anak Lauk : burayak

Anak Lauk Bandeng : nénér

Anak Lélé : jéjéréndél/nanahaon

Anak Lubang : leungli

Anak Maung : aom/aden

Anak Meri : titit

Anak Monyet : begog

Anak Munding : énéng

Anak Reungit : utek-utek

Anak Simeut : mikung

Anak Sapi : pedet

Anak Ucing : bilatung

Anak Papatong : kini-kini

Ngaran Kandang Sato :

Kandang Anak Lauk : buleng

Kandang Hayam : paranjé

Kandang Japati : pagupon

Kandang Kuda : gedogan/istal

Kandang Lauk : karamba

Kandang Lauk Bandeng : émpang

Kandang Lélé : rumpon

Kandang Munding : karapyak

Kandang Manuk : kurung

Kandang Maung : karangkéng

Itungan Waktu :

Janari Gede : tabuh 01.00-03.00 WIB

Janari Leutik : tabuh 03.30-04.30

Balebat : waktu fajar geus udat-udat belah wetan (04.30-05.00)

Carancang Tihang : geus liwat fajar, waktu tetenjoan masih remeng-remeng (05.00)

Haneut Moyan : waktu ngeunah-ngeunahna dipake moyan (07.00-08.30)

Rumangsang : panon poe geus karasa panas (09.00)

Pecat Sawed : waktu munding anu dipake ngawaluku sawah dilaan (dipecat) sawedna (10.00)

Manceran/Mentarangan : panon poe aya luhureun sirah (12.00)

Lingsir Ngulon : panon poe geus mimiti ngageser ka Beulah kulon (13.00)

Panon Poe Satangtung : 15.00

Tunggang Gunung : panon poe mimiti surup dina luhureun gunung (16.00-17.00)

Sariak Layung : layung cahaya panon poe katenjo burahay beureum (17.00-18.00)

Sareupna : geus mimiti reup poek (18.30)

Sarereuh Budak : waktu budak leutik geus carapeeun ulin jeung ngaji (20.00)

Tengah Peuting : 24.00

Ngaran Usum :

Pagebug : usum loba nu gering parna jeung nu maraot

Sasalad : usum loba panyakit nu babari tepa

Patepok : usum loba nu kawin

Tigerat : usum kurang dahareun (beas/pare)

Mamareng : mimiti rek ngijih

Ngijih : usum hujan ngecrek saban poe

Dangdangrat : usum hujan paselang jeung halodo (kakapeungan)

Katiga : usum teu ayana hujan

Nyambut : usum mimiti ngagarap sawah

Tandur : usum melak binih pare

Ngarambet/Ngoyos : usum patani miceunan jukut sawah

Celetu : usum pare culcel baruahan

Beukah : usum pare geus loba nu buahan

Rampak : usum pare geus rata

Nyacar : usum nyacar leuweung pikeun serang/pihumaeun

Itungan Lobana Paré :

Saeundan = ½ Pocong

Sapocong = 2 Eundan

Sagédéng/Sageugeus = 2 Pocong dihijikeun

Sasangga = 5 Gédéng

Sabawon = 4 Pocong

Salajer = 4 Sangga (20 Gédéng)

Satanggung = 50 Geugeus

Samadea = ½ Caéng – 20 Sangga

Sacaéng = 2 Madea – 40 Sangga (200 Gédéng)

Panca Kaki :

1.        Tambak Galeng

2.        Gerpak

3.        Kait Siwur

4.        Udeg-Udeg

5.        Janggawareng

6.        Canggah

7.        Bao

8.        Buyut

9.        Nini/Aki

10.    Indung/Bapa

11.    Kuring

12.    Anak

13.    Incu

14.    Umpi

15.    Cicip

16.    Muning

17.    Angga Santana

18.    Kula Santana

19.    Preti Santana

20.    Wit Wekas

 Jampe/Ajian/Jangjawokan/Rajah

Jampé bisa disebutkeun karya sastra sabab milih kekecapanana leubeut ku éstétika basa.

Jampé atawa mantra (basa Sansekerta) kungsi dipiwanoh ku urang Sunda. Jampé téh ucapan-ucapan atawa kalimah anu dianggap boga kakuatan gaib mun dipigawé bari saméméhna dibarengan ku rupa-rupa pasaratan.

Tapi mun nilik kana pilihan kecap anu leubeut ku idiom-idiom nu kuat, jampé ku pangajén basa mah bisa diasupkeun kana karya sastra puisi. Lirik-lirikna boga kakuatan anu leubeut ku éstétika basa, kaéndahan kecap kacida dicekelna. Dina ngarakit wirahma matak genah kadéngéna jeung kacida mangaruhan ka anu ngadéngéna.

Meruhkeun Musuh

Sima aing sima maung

Sima manusa satitik manggiri, satangkal jeung badan

Marah sia geus kapungkas

Sangkiricik ngaran sia keur leutik

Sangkuricak ngaran sia keur budak

Kapingkas kapungkas amarah sia ku aing

Sing asih, welas asih ka diri aing

Kilah Kaprabuan

Mataing katalama sung prabuan

Inya artata wung lingga ingkanan

Estu natala, estu natala

Sing kabeh ka kama

Ka kama irta kalla ima-ima

Kallama asih rangtakun

Ngantup sing ukur

Kama irta prabuan

Batara Karang

Pangabaran sajagat gulung manik maya

Gentak satetel guna wisésa

Dada sia dada aing ret buret

Papuket-puket badan sateruk jadi tunggal

Tunggal raga kalawan nyawa

Nyawa sia nyawa aing

Satunggal sajaya

Saciduh metu saucap nyata

Leungeun kula badan kula

Weteuh ning waja

Asihan

Samping aing kebet lereng

Ditilik ti gigir lenggik diteuteup ti hareup sieup

Mikaeunteup mikasieup

Mangka eunteup mangka sieup ka awaking

Awaking ratu asihan

Ti luhur kuwung-kuwungan ti handap téja mentrangan

Ditilik ti tukang lenggik ditilik ti gigir sieup

Mangka eunteup mangka sieup

Asih… asih… asih…

Asih ka badan awaking

Si Taruk Gadung

Asihan aing si taruk gadung

Sataruk nu matak lanjung, salambar nu matak hayang

Sasoéh nu matak léwéh, sih asih ka badan awaking

Asihan

Assalamu’alaikum, wa’alaikumsalam

Semar kuncung mesem semar

Pul-pel kana awak aing

Silih getrep silih asihan

Gentur pélét aing sing malik

Anu diamat ku aing sing lieur

Sih asih ka awak aing

Sing kapincut ku aing

Bismillahirrohmannirrohim

Niat ti rasa niat ti sari

Balik niat ti rasa teu suka

Balik niat ti sari bari ceurik

Nyaliara Beubeureuh

Beubeureuh katineung

Batu pacacar katinggang cai

Heur.. nyalangsakan ti puncak gunung

Palapar tepung na panon poe

Bebene ticangreud

Cangreudna paparuguh

Geuning wanoh kuring si gagah

Si gagah si menak

Si asih pating harayu

Harayu mulih kanu sing ati

Hurung pahoyong geugeut ka kuring

Geugeut ka kuring !

Asihan

Bismillahirrohmannirrohim

Aci herang, aci lenggang

Aci mayap di buana

Dikukut teu geusan mangku

Dikundang teu geusan leumpang

Ari jauh aing tuturkeun

Ari anggang aing teang

Ari deukeut aing anteurkeun

Mangka welas maka asih

Asih sia komo aing

Asihan

Bismillahirrohmannirrohim

Tung lantung

Siang lantung sore lantung

Ditiung ku Cinde Wulung

Dikenyed ku panyabaran

Dipelak girang tampian

Milih neneh milih asih

Sing asih …………………….

Ti katuhu gula tiwu

Ti kenca gula kalapa

Sir rasa sir pangawasa

Nur na Cahayana Muhammad

Laa illahaillalloh

Muhammad Pangersana Alloh

Susuk Gelung

Nu nangtung di kuwung-kuwung

Nu calik di mega malang

Dikodet bentang ranggeuyan

Nya irung bentang timuran

Nya halis katumbirian

Nya tarang lancah mentrangan

Diteteup ti hareup sieup

Disawang ti tukang lenjang

Mangka welas, mangka asih

Sing asih… sing asih…. Sing asih…

Pangasihan

Ka indung anu ngandung, ka rama anu ngayuga

Ka indung anu teu ngandung, ka rama anu teu ngayuga

Ka dulur opat ka lima pancer

Pang nepikeun ieu haté

Ka indung anu ngandung, ka rama anu ngayuga

Ka indung anu teu ngandung, ka rama anu teu ngayuga

Ka …………… ka dulur opat ka lima pancer

Kalawan kanu ngurus ngaluis

Hirup jeung hurip……………

Pamugi sing deudeuh ka ……………

Miara Awak

Tangtung aing Ratu Galuh

Perlaku aing, jaya aing

Ka di kuwung

Ka di layung

Ka di siang

Nunjang anom

Nu lungguh dip anon poe

Pakan peunteu, bula ros di muakalam

Mandi

Sarauk banyak kastori

Sacibuk manggilang-manggilang

Karesmining tatapakan rosul

Hurip mulya

Cahya cahyaning Gusti

Sia tetep, sia madep

Sia lulut, sia emut

Sujud sinembah

Rep.. ka awaking

Sirep tutunggal

Gusti ning cahaya illahi

Cahaya qolbu

Hei………….

Tali ari-ari satukal budah kula

Rep sirep geterin taneuh Guntur

Geter-geter ati mikacinta sia ka kula

Rep rapet ubun-ubun

Sapeuting nyaring, sawulan inget

Prak keur sia

Kadugalan

Bismillahirrohmannirrohim

Lung-lung kalung jasilung

Barsat siat-siat-siat

Kuat-kuat-kuat-kuat-kuat-kuat-kuat

Tampalan Waja

Ngajénkeun nayagag na sasak raga

Jemat cai sampareun pangajén

Pangajén pacarak tampa

Katampa katumpukatali mada

Na dieu waragan ragaseja malik patelak cai malik

Ka sasanggalakan nu nyempah pararatan

Langin ganggala hyang

Kula nyampar kasakténan sakti

Rampa liat nyisik bumi

Taneuh galiat nyasak awing

Jah amaji panca tapak gagad

Aji rancighanjag wancag

Aji tapik tapak rencag

Raga Baja

Raganing kuat, hate ning suci

Pangijen sangyang lin-lin sagawayah

Raga kula seugseugna patali rap na ti gusti

Sumangga rap na awak

Raga baja saturna blos siga cai

Alih raga kula shakti mantra guna

Shadat (Syahadat) Sancang

Asyhadu syahadat sunda

Jaman Allah ngan sorangan

Kaduana Gusti Rasul

Katilu Nabi Muhammad

Kaopat umat Muhammad

Nu cicing di bumi angaricing

Nu calik di alam keueung

Ngacacang di alam mokaha

Salamet umat Muhammad

Ka Tempat Sanget (Shadat Rambut Kasih)

Ashadu Shadat Nyi Rambut Kasih

Shadating Prabu Renggas Panyuruh

Wiradenta Partanegara Nyi Rambut Kasih

Tungku tilu, jangka papat

Guru tanpa weru, Pangeran tanpa werat

Sakabehing Gunung Sunda

Panatagama Renggas Panyuruh

Sri Maharaja Girilawungan

Den Istri Dewi Pitaloka Girilawungan

Sindangkasih Sugih Mukti Majalengka

Panyinglar Kunti

Bismillahirrohmannirrohim

Nyi Dadru Nyi Bambrang Séra

Sia ulah lengok depong ka dieu

Di dieu mah lain tahaneun sia

Di sabrang di Palembang

Di laut Nusatengah

Sira mati kuntilanak

Hurip saanak-anak Sang Ratu Lingga Buana

Murus maris maring ingsun

Clag hurip sia ulah lengok depong ka dieu

Di dieu mah lain tahaneun sia

Tuh di ditu di tétélan méga malang

Panyinglar

Singlar aing singlar Pakuan

Prabu Kian Santang Sang Rumajang

Prabu Gagak Lumayung Ong Bayu

Kasinglar putrid ayu

Laaillahaillallahu Muhammadurrasulullah

Sang Ratu Hideung keupeul

Nu tapa na dampal leungeun

Kian Santang Kang Lumajang

Papatih Gagak Lumayung

Tuan Haji Kudratullah

Maung Garonggong

Keun béh dieu kula radapan na jigjig

Nangtung nanjakan sanghareup kidul

Keun béh ditu réngréang welang gigibrig

Patanya dunungan kula rai bangheulang

Kukutan sing garanggong tuang saha nu ganggu

Bari gebrig nincak alat-alat taneuh léat

Haleuang maung garonggong alét ka kula

Hag jag, hancag ranggé Hyang mangku

Pamuka Pirejekieun

Nandingan jaka warna ngempak awang

Jugjug taya di dana

Matri ieu harti

Harti pangusiran

Nu nyangking nyampring

Tétélakeun laat panincak

Eusi gebrig

Mudal kawasa Galuh

Tuh, Galuh, galeuh nu kula

éstu Sanghyang Jagat Alam Jagat Nunggal

Munggaran Raga

Sacemplak tingpuruluk

Rante badag tingcareplak

Hade sing ngarah hade

Wasa sing warah wasa

Tetepi kulit kula

Dagdagan raga kula

Nyampang tebih nyampang heang

Nyampang gering mun diteang

Bear Panggaleuh

Rampak ti sekarna, rampug kana bati

Nyurug ting jeroning, laweur ka parantina

Tutug suku mangun taraju

Nampak megah nampa bati

Caang bengbang langlayung neureup

Nampa talapak raih pamake

Has junjunganana

Hap… sanggap

Pangabaran

Ong galudra tumpak di muka

Nya biwir capit kapiting

Ciduh aing sakaracak geni

Kiceup aing marangi kilat

Batuk aing sada gugur

Sora aing sada gelap

Diuk aing tandaning langit

Napsu sia henteu tulus beh tanya

Bawana welas karunya ka raga anaking

Aing pangabaran eyang Prabu Siliwangi

Sajagad kabeh sahiji

Saraga sanyawa jeung Ashaduallaillahaillallah waashadu anna Muhammadarasulullah

Jangjawokan Baduy

Sapun

Awaking reuk maképasang panjang pasadun

Pok sablapun

Meunang Ahung (7x)

Ahung deui, ahung deui

Ahung malungga, ahing malingga

Ahung mandegdeg, ahung mangandeg

Ahung manglindu asih

Ka Ambu aing Sira mangambung

Ka Bapa aing Sira mangumbang

Pangjungjungkeun, panglawungkeun

Ku Ambu aing Sira manglaung

Ku Bapa aing Sira mangumpang

Pangnyambungkeun aing saur

Pangngapakeun aing saba

Ka luhur

Ka méga beureum, ka méga hideung

Ka méga si karambangan, ka méga si kareumbingan

Ka méga si karénten

Ka méga si kalambatan, ka méga si kaleumbitan

Ka méga si antrawela

Ka kocapna, ka ucapna

Ka puncakning ibun

Ka guru putra hiyang bayu

Ka nu wéang nyucruk ibun

Ahung…

Taji Pangharti

Taji tataan kudu diaji

Pangaweruh nuturkeun beunghar

Sungkun migusti tamping talapak na dua taktak

Nangtung make adeg

Nejo maké jero

Ngucap pangwaler

Awak sangkan hirup

Mituduh lawangna dunya nutup na ahir

Kudu harti kana harta lin harta kana harti

Paragi Dibuat

Sukma nu mipit, sukma nu dipipit

Tunggal badan kalawan nyawa

Nyi Pohaci Mayaherang

Nyi Pohaci Mayalenggang

Ulah geder ulah reuwas

Cunduk anu mupu, datang anu ngala

Nya maneh sarasa tunggal

Kahanan sri kadunan

Kandi candoli aci permana dewa

Aci asihan

Jampé Melak Paré

Tabé, Pohaci Sanghiyang Asri

Hayu urang balik ka weweg sumpeg

Ka mandala pageuh

Balik ka imahna beurang kénéh

Amit-amit ka Batara

Ka Batara ka Batari

Amit ka nu boga bumi

Amit ka nu boga balé

Kami rék ngarérémokeun

Nyi Pohaci Hiyang Asri

Sina dikawin di bumi

Di buana Pancatengah

Pancer tengah pasar Allah

Nyi Pohaci Hiyang Asri

Aya di bumi pertiwi

Ulah geder ulah reuwas

Mangka langgeng mangka tetep

Maka hurip kajayaan

Nu kosong pangeusiankeun

Nu celong mangminuhankeun

Nyokot dua nyokot tilu

Nyokot tilu nungku-nungku

Datang opat jang ngajajar

Datang lima tanpa wilangan

Genep tujuh sing mungpulung

Datang dalapan sajajar

Salapan di Pancatengah

Aya di bumi pratiwi

Mangka hurip ka beutina

Mangka miakar lir kawat

Mangka marontok borona

Mangka hirup ka pucukna

Ulah geder ulah reuwas

Mangka jangkung laput tunggul

Limpas ka catang kiara

Migagang omas ranggeuyan

Saréana salobana

Rajah Pamunah

Buyut gahung liman putih lalakina

Nu ngemit di cahaya buana

Lemah kadapat lemah kadapit ku cai

Cihaliwung nunjang ngidul

Cisadané nunjang ngalér

Nyalopa ka Gunung Kujang

Kit prabakit Gunung Manik na Pakuan

Suda mala suda mali

Buyut putih mullah mulih

Sang waruga kala sang waruga lemah

Nini rupani papan aing séda sakti

Puput ku bayu ilang ku bayu

Kapuput ku sang séda tunggal

Nya aing sang séda tunggal

Lemah putih jagat pasagi

Eusina rajah pamunah

Tetep nu sakti datang wisésa

Nya aing ratu wisésa

Buyut gahung ratu gahung

Eusina sekar buana

Nu neureuy buana inih

Sakenan-kenan acining betining Pertiwi

Eusina rajah pamunah

Deuk mantog ka langit istan hawar-hawar

Tulak talék, tulak tanggul

Bisi datang ti buana ti sang intel pulen

Ti katuhu sang suru wulung

Ti kénca cakra wisésa

Keur ngajaga jurujana teu katara

Disinglar ku bayu singular

Racik-racik ku baginda

Raksukan susumbar jawa

Apar ya nampik, istan hawar-hawar

Tulak talék, tulak tanggul

Bisi datang buana ti kalér, pang mulangkeun ka kalér

Bisi datang buana ti wétan, pang mulangkeun ka wétan

Bisi datang buana ti kulon, pang mulangkeun ka kulon

Bisi datang buana ti kidul, pang mulangkeun ka kidul

Pangdatangkeun ka Nyi Pohaci rumanangsay

Apar ya nampik, istan hawar-hawar

Rajah

Amit ampun nun paralun

Ka Gusti nu Maha Suci

Neda pangjiad pangraksa

Para abdi-abdi seni

Seja ngaguar laratan, titis waris nini-aki

Ngembatkeun jalan lantaran

Ka tampian geusan mandi

Ka leuwi Sipatahunan

Leuwi nu ngaruncang diri

Diri nu sakiwari

Rek muru lulurung tujuh

Ngaliwat ka Pajajaran

Bongan hayang pulang anting

Padungdengan-padungdengan

Jeung usikna pangancikan

Pun… sapun

Samapurasun ka rumuhun

Ka Hyang Prabu Siliwangi

Nu murba di Pajajaran

Pangauban seuweu-siwi

Nu gelar di tatar Sunda

Muga nyebarkeun wawangi

Panyinglar

Unu-unu dimana ngedeng

Ngedeng tong di mana-mana teuing

Ti peuting Sanghyang Pertiwi

Ti beurang Sanghyang Muntara lulun ali-ali

Batara Guru bisi datang

Wisaya ti tukang, tulang ku sanghyang

Batara Gamblang bisi datang

Wisaya ti gigir, bintih ku sanghyang

Naga Gunting bisi datang

Wisaya ti hareup, beulit ku sanghyang

Ngarajah bisi datang

Wisaya ti luhur, tuduhkeun ku sanghyang

Naga Gamblang muhung ruping

Bungtan ku layung Batara Guru

Panangkal Dodoja

Ngahambatan awak-awak-awak kula

Awak kula sing jago sapaten satataga

Ngahambatan lir cai marapay lulur

Nu nyurup sajabaning jurig jarian

Teu wasa kana kula moal ngancing

Tibeberik nu jagina nyambat Sanghyang

Tur nu Maha kuat

Moal sia, nyingkah sia

Ya Allah, ya Allah, ya Allah, ya Allah sajagat

Gening yeh dodoja mulang muruluk ka pribumi

Sakti kawasana anjeun Gusti teu sabanding

Muara Panyambung Napsu

Dewi sakti linggih na dirina

Dirina diri kula

Kulana hate panceg

Pancegna asih nu kula

Pelong tatambat puncak rahayu

Teu wala teu kaya teu walakaya

Cicing meti satungtung maung ngurat kana awiga raga

Si neneg raga si kakang nyalindur

Siga impen teu emut hadir

Hadir, hadir muara na surga

Bebenjokeun kapalayna

Kirangna, hapunten nu kasuhun.

Mugia aya manfaatna.